⬇️⬇️السلفي خلات عدد الوفايات خمسة أضعاف عدد هجمات القرش, أكثر تفاصيل لهنا

ظاهرة جبرت عدة دول بش يعملو مناطق “عدم وجود صور شخصية”. من أكتوبر 2011 لنوفمبر 2017 توفى أكثر من 259 شخص على الأقل و هوما ياخذو في سلفي حول العالم، وفقا للنشرة الهندية 50 شخص كهو تقتلو على ايد اسماك القرش.

اذا كنت تتصور اللي أغلب المتضررين نساء خاطرهم ياخذو اكثر سلفيات فانو توقعك غالط خاطر ثلاثة ارباع المتضررين مالرجال و الشباب اللي ماتو بسبب سلوكيات خطيرة و تسببت السلفي في غرقهم و حوادث النقل و السقوط والا النار و الأسلحة. الهند وقعت فيها أكثر من نصف الوفايات 159 متقدمة على روسيا و الولايات المتحدة و باكستان.



البحث على صورة مثالية

مجموعة شباب غرقو والا ضربهم قطار والا تقلبت بيهم السفينة وقت السلفي، هذاكا علاه انشأت الهند “مناطق عدم وجود سلفي” و اللي هي 16 منطقة في مومباي وحدها. في روسيا، تم تسجيل 16 حالة وفاة في نفس الفترة بحثا عالصورة المثالية، مات الروس طايحين من جسور والا أبراج جديدة و هوما يحاولو ياخذو سلفي. في عام 2015 ، نشرت روسيا دليل “لأخذ سلفي آمنة” بعنوان “سلفي رائعة يمكن أن تكلفك حياتك”. أما في الولايات المتحدة 14 حالة وفاة على طول الفترة. في جبال كرواتيا، أكدو رجال الإنقاذ على السياح بش معاش ياخذو سلفيات غبية متسببة في الموت.

Laisser un commentaire