كيفاه تلقى تاليفونك اللي ضيعتو

صارتلك مرة و حطيت ايدك في جيبك مالقيتش تاليفونك ؟

دخلت بعضك و بديت تخمم اذا تسرقلك والا طيحتو في بلاصة مالبلايص؟ و خممت في تصاورك و مساجاتك و ايمايلاتك و كونتواتك ؟ و بديت تحاول تتذكر اخر مرة استعملتو و وين حطيتو و فركست جيابك الكل و كرتابلتك و ساكك و شي ؟ و بعد طلبتو و ما لقيت شي ؟

ما تخافش و ما تخممش برشا خاطر كيما فما في تاليفونات ايفون ميزة “Find My Phone” فما زادا في اندرويد “Find Your Phone” اللي تخليك اتبع البلايص اللي مشيتلها بتاليفونك الكل. و بجوجل مابس تنجم اتبع تاليفونك وين ما يمشي.

كيفاش ؟

ما عليك الا انك اتبع الخطوات هاذيا :

أ- حل جوجل مابس في تاليفون اخر والا اورديناتور

ب- ادخل للكونت متاعك في جوجل المربوط بالتاليفون متاعك



ج- توا انزل على زر الشريط الثلاثي الموجود في الزاوية اليمين العلوية

د- اختار “your timeline”

ه- هنا لازمك تحط السنة و الشهر و اليوم اللي تحب تشوف فيهم تاليفونك وين

و- توا جوجل بش يوريك السجل متاع بلاصة تاليفونك مع البلاصة اللي موجود فيها توا.

بش تكون المعطيات متاعك صحيحة لازم يكون تاليفونك محلول و السرفيس متاع اللوكايشن يكون محلول زادا

Laisser un commentaire