كيفاش تستعمل تاليفونك بش ترقد مليح ؟

مع الاستعمال اليومي للتاليفون وقت نومك بش يتأثر بالطبيعة و الأكيد انو كل شخص لازمو يرقد مليح بش يعدي نهارو مرتاح و في فورما خاصة و انو توا اقل واحد فينا يخدم في سبعة سوايع و يشوف في الخدمة متاعو الاورديناتور برشا مرات هذا بش ما نقولوش هدمتو أصلا عالأورديناتور، و اذا ما نخدموش عليه رانا شادين تاليفوناتنا.

انك تخلي عينيك مركزة نهارك الكل في الشاشات متعب برشا لعينيك و يتببلك في مشاكل متاع نون و هذاكا علاش ليوم بش نقدمولكم نصائح كيفاه تعدل وقت نومك من جديد.



-ساعتين قبل النوم: حاول بش تعدل حرارة البيت متاع نومك خاطر بيت سهونة برشا والا باردة برشا مش بش تعاونك ترتاح و ترقد و ما تنساش زادا انك تحاول ما تاخذش قهوة والا تاي والا اي منشط قبل وقت نومك بساعتين اقل حاجة، حاول زادا انك تطفي اي ضوء بحذاك والا تحل ضوء اصفر و اذا انت مالنوع اللي تشد تاليفونك والا الاورديناتر قبل ما ترقد حاول انك تحول الاضاءة متاعو دافئة في الليل و تنقص مالضو اللي فيه بش يولي لون الضو اقرب للأصفر.

-ساعة قبل النوم: حط موزيكا خفيفة في تاليفونك والا صوت طبيعة كيما المطر والا صوت نسمة و عصافر.

تنجم زادا تحط بودكاست ميللي تحبهم والا تسمع قصة الفايدة انك تخلي تاليفونك بعيد عليك و بعيد على عينيك ساعة قبل نومك عالأقل خاطرو بش يتسبب في توخير نومك دوب ما تغزرلو .

اخر نصيحة هي انك ما تستعملش صوت متاع الفياقة الموجودة في تاليفونك بش تفيق خاطرها أكثر حاجة بش تبخلك في الصباح و تفجعك أحسن حل للفيقان الصباح هو انك تخلي الريدو متاع بيتك محلول و تفيق على ضو الشمس بش ما تفيقش مرعوب و تاعب أكثر ميلي رقدت.

Leave a Reply