كيفاش تخلي يوتيوب آمن أكثر للصغيرات

ولى سيت يوتيوب هو الأساسي بش العباد تتفرج عالفيديوات و على خاطر يوتيوب تشهر برشا الصغيرات اليوم و المراهقين يتوجهو لليوتيوب بش يتفرجو زادا، كيما نعرفو مش أي حاجة موجودة عاليوتيوب تساعد الفئات العمرية الكل هذاكا علاه يوتيوب خرّج اصدار يوتيوب كيدز بش تعطي صغيرك يتفرج و إنت مطمان.

يجي التطبيق هذا مع ميزات مفيدة و ضرورية اللي تخلي الولي يسطر عالمحتوى متاعو.

العملية ساهلة برشا يكفي انك تعمل كلمة سر و ما تعطيهاش لولدك.



و النصيحة الأهم انك تفسخ تطبيق اليوتيوب و تعاود تصبو بش يبدى من جديد

1- حل يوتيوب كيدز كيف يتصب

2- انزل على “ابدأ”get started” “

3- دخّل تاريخ ولادتك انت

4- سجل دخولك باستخدام كونت جوجل الخاص بيك

5- حط معطيات ولدك الكل و انزل عالقرص “التالي”

6- انزل على قرص “بحث عن” “search off” ماللوطا و هذا اللي بش يهلي الصغار ما يدخلوش لفيديوات مش متاع عمرهم

7- وقت تكمل انزل على “قفل” “lock” و حل المشكل متاع الرياضيات الساهل بش يتم التأكد انك عبد كبير و ولي

8- اختار بروفيل و بدل “المحتوى المعتمد فقط” “approved content only” اللي بش يخلي الأولياء يحددو قنوات لصغيراتهم

Laisser un commentaire