كيفاش تخلي صغيرك يحب الماكلة؟

اضطرابات الأكل عند الصغيرات

الأسباب-العلامات-العلاج

الأعوام لخرة كثرت اضطرابات الماكلة عند الصغار مش عند الكبار و الشباب كهو الصغار اللي أقل من 12 عام ولاو يعانيو من المشكلة هاذي و هذا اللي يتسبب في أضرار كبيرة لجسم الطفل

1 لتو الباحثين ما يعرفوش شنوا اللي يسبب اضطرابات الأكل بالضبط عند الصغيرات لكن اللي عرفوه انو المشكل هذا وراثي اذا كان فما واحد مالوالدين والا الاخوة والا واحد مالأقارب يعاني من اضطرابات الأكل فإنو إحتمال 7/12 صغيرك تجيه نفس المشكلة .الصغار اللي عندهم مرض مزمن الخطر عليهم أكثر كيما مرض السكري و الصغيرات اللي عندهم أمراض عقلية والا اكتئاب و القلق زادا .برشا صغيرات ما يحبوش ياكلو ماكلة معينة خاطر ما يعجبهمش مطعمو والا طريقة بلعو ساعات حتى طريقة تفتت الماكلة هاكي في الفم و يوليو يخافو من إنو يقلقهم في معدتهم و يعمللهم وجايع و هذايا بطول المدة يخلي الصغير يفقد وزنو و يمرض

-بيكا : هي حالة مالحالات اللي ياكل فيها الصغير حاجات ما تتاكلش و هو اللي يأدي انو تصيرلو اضطرابات الماكلة (الحاجات هاذي تنجم تكون طباشير تراب صابون رمل شعر ظوافر ..)

-فقدان الشهية العصبي: فما صغار يحسو انهم يعانيو من زيادة الوزن و هوما تلقاهم ضعاف برشا و هاذوما يبداو يعسو على رواحهم بش ما ياكلوش برشا و يتحكمو في كميات الأكل و الوقت بطريقة شديدة

2 الاكتشاف المبكر للمشكل متاع الماكلة عند الصغيرات ينجم يعاون في العلاج اذا صغيرك يخاف انو كرشو توجعو بعد ما ياكل ما يحبش يجرب طعم جديد والا ما يحبش قوام ماكلة معينة عندو نوبات غضب يتقلق من شكل جسمو ضعيف برشا ناقص نمو شعرو خفيف برشا عندو امساك دائم و مشاكل في الهضم متقلب المزاج فانو عالأغلب صغيرك يعاني من هالمشكل

3 بش تقاوم المشكلة هاذي فما برشا حلول أهمها

– خصص وقت معين للماكلة يعني خلي أوقات الفطور محددة و ملزمة كيما مثلا ما نجموش نخرجو للمدرسة الا ما نفطرو الصباح و حاول تخلي الفطور هذا يكون في العايلة مش كل حد ياكل وحدو المشاركة في الماكلة تخفف مالمشكلة

– انت تقرر شنوا ولدك ياكل أما خليه هو يقرر الكمية : لازمك تخلي مجموعة متنوعة مالوجبات و الغنية بالمنافع الصحية و تعمل تخطيط للماكلة اليومية و تخدم عليه خاطر تكرير الوجبات يخلي الصغير يفقد الشهية

– علم صغارك التطييب كل ما يشاركك ولدك في التطييب كل ما يعمل جو و يحس بالمجهود اللي قدمو و كيفاه لازمو يكافئ المجهود هذا و هو بإنو مثلا يكمل صحنو

– جرب مأكولات و خضر و غلال جديدة .. كون انت مثال لولدك بش يتبعك .. اذا انت ما تاكلش ماكلة معينة والا ما تحضرهاش بشكل دوري .. ولدك ماهوش بش يحب الماكلة هاكي والا ياكلها

– خلي صغارك ياكلو الثالجة و الكايك و ما تحرمهمش بش ما تحسسهمش انها ممنوعات و يشتهوها أكثر .. اذا كلاوها مالصغرة تو توليلهم عادية و مش مرغوبة بدرجة كبيرة اما لازمك تخليهم يفهمو اللي هي مش بنفس المستوى مع الخضرة و الغلة و الفاكية و اللحوم و الحليب و غيرو و تخليهم يعرفو انها ماكلة متاع مرة في الأسبوع مثلا مش يومية

– زين ماكلة صغارك اذا هوما ما يحبوش الغلة بدل أشكال الغلة كثر الألوان و الأشكال و الأطعمة و المنكهات و تنجم تشوف أدوات معينة تنجم تساعدك في المجال هذا ادخل للرابط هذا

High Quality ABS Plastic Watermelon Fruits Cutter Slicer Corer Server Scoop Knife Kitchen Tool Smart Kitchen Gadget

Chef’n Scoop Troop Melon Baller and Fruit Scoop Set

-السلطات حاجة باهية بش يحب ولدك الخضرة نوع في خضرتك و أشكالها و خليهم هوما اللي يعملو الأشكال هاذي عن طريق أدوات أمنة يستعملوها كيما الأدات هاذي

Ruff Spiral Trancheur Trancheur Coupe Légumes

– برشا صغار ما يحبوش العظم لكن اذا يولي العظم في أشكال متنوعة ينجم يخلي الصغار يشرهو أكثر و يحب الماكلة هاذي تنجم تشوف أشكال في الرابط هذا

4 Pcs Date Frit Oeufs En Acier Inoxydable Moule Pour Amour Pan Frit Oeuf Petit Déjeuner Creative Die Modèle Fournitures De Cuisine Poché oeuf

– هاذوما أفكار صغيرة و إنت تنجم تتوسع و تكون مبدع في الحاجات هاذي

Laisser un commentaire