كابتورالتصويرة المنحني اللي بش يقلب عالم التصوير الفوتوغرافي

تخدم أغلبية الشركات المصنعة الكبيرة على كابتور منحني ، و هو ابتكار ينجم يقلب عالم التصوير . ايجا نفسرو علاش نوع الكابتور هذا مش كيف غيرو !

زعما بش تكون الكابتورات المنحنية مستقبل التصوير؟ تحصلت “سوني” على براءة اختراع كابتور منحني عام 2017 ، وقت “نيكون” خذات براءة اختراع أول كابتور منحني كامل التنسيق .

أول حاجة لازمنا نعرفوها هي شنوا كابتور التصويرة المنحني ؟

الكابتورات الموجودة في كامراواتنا و في تاليفوناتنا كلها مسطحة و مربعة ، و كي يكون الأوبجكتيف اللي يربطها دائري و ساعات محدب شوي فانو الضو كيف يدخل و يتعرض على كابتور مربع ما يدخلش بطريقة متجانسة اللي يقلل وضوح التصويرة الإجمالية . المشكلة انو تضاعف العدسات في وسط العدسات بش يصححو مسار الضو بشكل خير بحيث يوصل للكابتور بالكامل مش بش يحسن جودة الصورة خاطر تكاثر الصفائح يطوّل الثنية اللي يمشي فيها الضو و هكاكا ينقص جزء منو . هذايا هو السبب في أنو كابتورات التصاور المنحنية هي اللي تمثل المستقبل بما انها تضم الضو بشكل طبيعي للعدسة ، بش تكون التصويرة اقرب للواقع بالاضافة انو بش تسمح “للبواتيي” ( الصندوق المجهز ) بش يكون أكثر فاعلية في ظروف الإضاءة الخافتة.

فيما يتعلق بالبصريات ، مرة أخرى ، ينجم يكون الكابتور المنحني مغير للصفقة. كل العدسات الموجودة في الأوبجيكتيف معظم الوقت بش توجه الضو للكابتور مش بش تكون لازمة بالضرورة. و هذا بش يقلل من تكلفة الأوبجكتيف. أما البواتيي المجهز بكابتور منحني بش يكون أغلى ببرشا.

Laisser un commentaire