ثمنية مزايا بش تخليك تبدل راييك بخصوص الساعة الذكية

برشا ناس يقولو انو الساعات الذكية مضيعة فلوس، الناس هاذي للأسف مش فاهمة اهمية الساعات الذكية و اليوم بش نفسرو مزاياها بش توضح الفكرة عند اللي يشري و يشوف اهمية المنتوج هاذايا

فوائد الساعة الذكية:

1 مش متاع وقت كهو

برشا ناس يحبو يلبسو ساعة بش يشوفو الوقت والا خاطرها مزيانة على اليد اما اليوم الساعات العادية معاش لاقية حظها مع الهاتف الذكي خاطر تنجم تشوف الوقت بيه و فيه يومية و هذا اللي يفسر نقص مبيعات الساعة العادية في الاعوام الاخرانية اما اليوم الساعات الذكية تزاحم الهاتف الذكي خاطرها مش فقط تعطيك الوقت و اليوم اما زادا تنجم تستعملها في حاجات حتى الهاتف الذكي ما يوفرهالكش

2 رفيق سفر

وصف جيمس ل. ماكوفي ، المحلل في شركة Forrester Reaserch ، الساعة الذكية بإنها : “شخص يعرف احتياجاتك أكثر منك” على سبيل المثال فما ساعات تعلمك اذا لازم تدور يمين والا يسار كي اتبع الاتجاهات منغير ما تبقى تغزر للهاتف متاعك

3 البحث على الهاتف والا المفتاح والا اي جهاز أسهل

كيما تعرفو كي يضيعلك الهاتف متاعك والا مفاتحك تدخل في حالة محبطة و ديما تصير في الوقت اللي نبداو فيه خاجين لموعد مهم والا اي مناسبة ما لازمناش نوخرو فيها ! الحمدلله الساعة الذكية بش ترتحك مالمشكلة هاذي خاطر أغلبيتهم عندهم ميزة “البحث عن الهاتف” تنجم تربط هاتفك أو أي جهاز بالميزة هاذي و تو ينوقز في ساعاتك وقت ما تحب ضيعيت هاتفك ؟ ساهل فقط انزل على ساعتك بش تحدد موقعو في ثواني

4 تخدم كمتعقب جدا للياقة البدنية

برشا ساعات ذكية عندها ميزة أساسية و هي “تتبع اللياقة البدنية”. الميزة هاذي تعاونك بش اتبع لياقتك و اذا تخمم في انك تشري متتبع للياقة والا عدّاد خطوات تنجم بكل سهولة تلقاهم في ساعتك الذكية شنو تنجم تعمل الساعة الذكية بالظبط ؟تنجم تحسبلك الخطوات و المسافة و السعرات الحرارية و معدل ضربات القلب و معدل دقات القلب و النوم و فما حتى ساعات مقاومة للماء و مثالية للسابحين

5 الرد على الرسائل و تلقي المكالمات على الفور

اذا عندك ساعة ذكية على معصمك فإنو معاش تستحق بش تخرج هاتفك من جيبك، تنجم تتلقى المكالمات و الرسائل و انت تسوق مثلا والا و انت تجري و تعمل في الرياضة و في حالات يكون فيها اخراج الهاتف من جيبك محرج برشا

6 بطارية تنجم تكون أقوى من بطارية الهاتف الذكي

ممكن كنت تخمم أول مرة علاش تستحق ساعة ذكية وقت اللي انت عندك هاتف ذكي؟ معاش تخمم هكا خاطر بعض الأنواع متاع الساعات بطارياتهم تشد أكثر من الهاتف

7 ديزاين مزيان

ما ننساوش اللي الساعات الذكية يكونو عندهم ديزاين مزيان برشا كيما يخليوك تظهر متابع للتكنولوجيا و تحب التطور

8 آمنة

أخيرا أحسن حاجة تنجم تستنفع بيها مالساعة الذكية هي حجمها و مكانها كيفاش ؟ عمرك ما تحطيت في موقف انك ما تحبش تخرج هاتفك في الليل في بلاصة مش آمنة خاطر تخاف لا يتهز و هو يهتز في جيبك و لازمك تجاوب؟ احسن حل هي الساعة الذكية اللي بش تخليك تستقبل المكالمة و تكلم في معصمك كتمويه.

في مونكوبون عدنا برشا أنواع متاع ساعات ذكية تنجم تختار مابيناتنم خاصة و انو الأسوام غير قابلة للمنافسة

اذا تحب تعدي كومند ادخل للرابط هذا يعديك للمنتوج متاعنا

 

Laisser un commentaire