تصاور سامسونج جالكسي نوت 10 و نوت 10+ خرجو

صعيب برشا تحتفظ بأي سر في عصر التكنولوجيا بخصوص تاليفون جديد و التسريب الجديد متاع التصاور يثبت الشي هذا مرة أخرى

خروج الجيل الثاني من جالكسي نوت قريب ياسر و برشا شائعات عالانترنات قاعدين يخرجو بخصوص الموضوع هذا. وحدة مالشائعات تقول أنو الجيل هذا بش يكون متكون من زوز نماذج بما في ذلك نوت 10+ و تم بالفعل نشر بعض العروض الأولية أما موقع winFuture قال انو المرة هاذي اللقطات رسمية توريك التصاور الزوز تاليفونات مالزوايا الكل و تأكد اللي ريناه قبل من تسريبات.

شاشة AMOLED كبيرة برشا ، الحدود أرق حتى و لو أنو فما كابتور الصورة القدامية في نصف الجزء العلوي. بش يكون يكون قياس النوت 10 6.4 بوصة  و 6.8 للنوت 10+ تبين التصويرة الجهة الخلفية اللي فيها كابتور تصاور أفقي ثلاثي للنوت 10 ووحدة رباعية لجهاز نوت 10+. تصميم الكابتور الرابع مدهش خاطرو يجي تحت الفلاش بحذا الكابتورات الثلاثة لخرين

تورينا التصويرة هاذي زادا لونين لول هو أكحل و الثاني ميتاليك الى حد ما و عاطي ظلال مختلفة مالأزرق للبنفسجي . و بش نستناو حتى ل7 أوت بش نشوفوه بالكامل.

Laisser un commentaire