ايرباص تكشف النقاب على طيارة مستوحاة مالطيور الجارحة

كشفت ايرباص على مفهوم جديد للطيارات الهجينة الكهربائية اللي مستوحاة مالطيور الجارحة بش يحفزو المهندسين انهم في المستقبل يخدمو عالنوع هذا.

الأجنحة في شكل ريش و منحى يشبه للرابتور. هذا هو الطير الجارح اللي الهم مفهوم الطيارات الهجينة الكهربائية الجديدة اللي كشفت عليه ايرباص في إنجلترا الشهر اللي فات.

تتميز الطيارة هاذي اللي تهز 80 راكب بأربعة توربينات، و هي مستوحاة مالميكانيكا الفعالة للطائر، مع هياكل الجناح و الذيل اللي تشبه للموجودة في النسر مثلا، اما تتميز بالجناحات اللي يوقع التحكم فيها بشكل فردي اللي يسمح بش توجد سيطرة ناشطة عالرحلة.



دمج الدفع الهجين الكهربائي

مشروع ما يهدفش بش يتحقق في الوقت الحالي اما عالأقل بش يحفز مهندسين المستقبل انهم يقدمو في المشروع هذا، و يدفعهم بش يزيدو الدفع الهجين الكهربائي و أنظمة التحكم النشيطة بالإضافة للهياكل المركبة المتقدمة. المفاهيم المستخدمة في “الطائر الجارح” واقعية علخر، خاصة في اللي يتعلق بالديناميكية الهوائية بفضل المحاكاة الحيوية اللي تتكون من تعلمها في الطبيعة و بالتالي تكون ارفق بالبيئة.

Laisser un commentaire