احسن بلاصة تحط فيها الروتور بش تستعمل الوفي متاعك بحرية

 يتنقل الويفي و يحبس كي تتعدى لبلاصة اخرى في دارك ؟ اليوم بش نعطيكم نصائح تخليك مهما تحركت الريزو ما يطيحش.

اليوم صعيب برشا انجمو نعيشو منغير انترنات و الاصعب انك تبدا تتفرج في مسلسل في بيت الصالة و تحول لبيتك و الريزو يطيح و معاش تنجم تتفرج .

زعما علاش ؟

ترتبط المشكلة هاذي أساسا بمبدأ تشغيل الويفي في حد ذاتو ، خاطر الويفي يستند لموجات الراديو اللي هي في نفس الوقت نفس النوع متاع الموجات الكهرومغناطيسية اللي تستخدمها محطات FM او هوائيات الاتصال الهاتفي. و المبدأ هو نفسو ؛ تضعف مع المسافة و تكون مسدودة الى حد ما بسبب بعض العقبات و تنجم زادا تعرضها موجات اخرى تخليها تمشي في اتجاه معاكس.



توا كيفاه تنجم تخلي الريزو ينتشر في دارك بروتور واحد؟

المبدأ الأساسي بسيط ، خليه في بلاصة تغطي اكبر مساحة مع تجنب اي حاجة تمتص الإشارة . كيما مثلا وسط المنزل، و اذا دارك على زوز طوابق خليه في الطابق الثاني خاطر يوجه الروتور ريزو الويفي للأسفل (كيما ضوء المصابيح) حاول تركب الروتور على رف خشب خير من ساس خاطرو يمتص الريزو ما تحطوش قريب من برسيانة خاطر الزجاج يخلي الريزو يخرج بسهولة لبرا. حاول تبعدو على اجهزة اخرى كيما الميكرويف اللي يعتبر العدو اللدود للجهاز و حاول بعدو زادا عالفريجيدار و الأجهزة لخرى اللي في الكوجينة . حطو بعيد عالماء كيما حوض اسماك مثلا و الناس خاطر الجسم البشري ثلث متاعو سوائل ،حرك الهوائيات اذا فما زوز او اكثر عالروتور متاعك في الاتجاهات اللي تستحق فيها الويفي و اذا ما فماش هوائي تأكد انو الجهاز محطوط بشكل صحيح مع النصائح المذكورة أعلاه

Laisser un commentaire